quando a tarde passa, abre-se outra porta...

Reblogged from augasdemarzo:

quando a tarde passa abre-se outra porta / se o morcego voa / a estrela desponta / ser de hoje ou de sempre / nada disso importa / todo tempo corre / só por nossa conta

sei se praias brancas / de velas queimadas / se perdi meus passos / em longa carreira / tive pais e filhos / tive namoradas / e encontrei-me logo aqui mesmo à beira…

Ler máis… 87 palabras máis

... o silêncio imenso que fica depois duma partida.

As noces

Mandáronme noces, nunha bolsiña de papel que leva a letra da miña mai. As noces da aldea, da miña infancia, das tardes na cociña nas vésperas das festas familiares. As noces…

As noces sábenme doce e vexetal, sábenme a terra. E non sei se o gosto me chega polos sentidos ou pola memoria. Serán as noces que me saben así, ou será o labor do meu pai para descascalas, a conversa do avó sentado ao carón, na mesa da cociña, a forza e dozura incansábeis da miña mai, o seu cariño transmutado en montes de comida?

As noces sábenme a saudade.

ao revés

Soidade, silencio e sono. A casa coas luces de Nadal aínda acesas -sinal para que navío, para que navegante perdido no mar nevado que se estende alá fóra?- pechada, calada e quente. Do outro lado da xanela, melancolías de cidade abandonada e de final prematuro dun mundo que ficou de repente sen física, sen eixo e sen rumbo.

E continúa nevando, con aquelas folerpas que caen para arriba, e alí estou eu, baixo meu faro de luces natalinas, preparada para rescatar aquel navegante-astronauta-heroe perdido que caerá para arriba até a miña xanela do sétimo piso.

 

 

Hoxe os elefantes soñan con: Byron – Chihlimbar

felicidade realista

escribo as palabras e vexo como os dedos non atopan as teclas correctas. felicidafe realisrta. non. felicidade trealista. tampouco. felicidade realista, finalmente, alí está.

coma os propósitos inalcanzábeis – meu cerebro teima en mostrar que non é algo que coñece, e que vou ter que aprender o concepto letra por letra, imprimilo paseniñamente na química das neuronas e logo traducilo en impulso que mova non só os meus dedos, senón tamén o meu mundo: f… e… l… i… … … … r… e… a…

vou “navegar en min“, mergullar dentro, reorganizar a estrutura daquela reunión de átomos toliños que me compoñen.

cavar alí fondo entre os elementos até reunir suficiente terra para plantar a semente que estas palabras esconden.

repetirme a min mesma, coma un mantra, estas palabras. e observarme logo para ver se a auga do meu corpo, respondéndolles, vai formando cristais dunha orde complicadísima e perfecta.

we must love one another or die*

“I said to the almond tree, ‘Sister, speak to me of God.’ And the almond tree blossomed.”
― Nikos Kazantzakis, Report to Greco

Díxenlle á amendoeira: Miña irmá, fálame de Deus. E a amendoeira floreceu.

Somos todos amendoeiras esperando a que alguén nos diga as palabras certas para florecermos.

 

 

*W.H.Auden, September 1 1939

CTN

Dormes ao pé de min e soñas. Na habitación escura, nin se quixese, non podería lerche os soños reflectidos no rostro. Nin o tento. Deixo corpo e mente flotar e vou te atopar naquel mar tranquilo onde estás a navegar.

Durmo xunta ti e hai un momento cando a noite é máis fonda e o noso mergullo nela completo, e é naquel momento que escoito a música. E sei que espertarei pola mañá (bom dia, amor…) coa pel pegada á túa, a música aínda resoando no meu ouvido adurmiñado, e que antes de deixar o calor das mantas xa me contarás como soñaches que estabas tocando os teus instrumentos, e eu terei un sorriso ante a complicidade dos nosos subconscientes.

Hoxe os elefantes soñan con Rosa Passos – Wave (Tom Jobim)

pe harfa răsturnată a ierburilor tale, Vară…

Hoje vou fechar os olhos e deixar a música me embalar. Vou pegar no violão e esquecer que não tenho ritmo, nem voz. Vou deixar-me ser corda, ser canção.

“Pe harfa răsturnată a ierburilor tale, Vară, trupul şi sufletul meu sunt începutul unui mare cîntec şi tremurul mîinii care-l caută.” (Ionel Teodoreanu, “Lorelei”)

< Deitada sobre a harpa invertida das tuas ervas, Verão, meu corpo e minh’alma são o começo duma grande canção e o tremor da mão que sai para procura-la.>